¿QUE É A CONFEDERACIÓN?

A Confederación de Fondos de Cooperación e Solidariedade é un marco de coordinación e de representación conxunta dos distintos Fondos de Cooperación e Solidariedade existentes no Estado español en todas as temáticas que, pola súa importancia, afectan aos seus intereses comúns.

ORIXES

A Confederación de Fondos naceu o 19 de setembro de 1995, froito da ampla coincidencia de formulacións existente entre os diferentes Fondos de Cooperación a pesar da súa diversidade de orixes, para reunir os Fondos legalmente constituídos e asumir a súa representación conxunta, respectando en todo momento a independencia e identidade propia de cada membro.

Os seus membros fundadores son:

• Fons Català de Cooperació al Desenvolupament.
• Euskal Fondoa. Asociación de Entidades Locales Vascas Cooperantes.
• Fons Valencià per la Solidaritat.
• Fons Mallorquí de Solidaritat i Cooperació.
• Fons Menorquí de Cooperació.

OBXECTIVOS

As tarefas propias da Confederación enmárcanse nos seguintes obxectivos:

• Agrupar os Fondos legalmente constituídos e asumir a súa representación conxunta, adoptando as resolucións que pola súa importancia afecten aos intereses destes.
• Contribuír a impulsar a cooperación descentralizada dentro e fóra dos ámbitos territoriais dos seus membros.
• Coordinar as accións para conseguir unha aprendizaxe mutua.
• Ser interlocutor ante as institucións estatais, europeas e internacionais con formulacións coincidentes.
• Promover actividades compartidas de cooperación internacional ao desenvolvemento.

ÓRGANOS DE GOBERNO E ADMINISTRACIÓN

Os órganos de goberno da Confederación son a Asemblea Xeral e o Consello Confederal.

• A Asemblea Xeral é o órgano supremo da Confederación de Fondos e está constituída por todos os Fondos que a integran. No seu seo os acordos tómanse por consenso dos seus membros e son de obrigado cumprimento para todos os asociados.
• Consello Confederal é o órgano estatutario de goberno e administración da Confederación, elixido pola Asemblea Xeral por un período de catro anos e formado por un representante de cada Fondo membro. Actualmente os cargos están distribuídos do seguinte xeito, sendo o representante o /a presidente/a dos respectivos Fondos: